Локација: Комора на ОАИ - Сала за конференции
Новиот Законот за градежни производи („Службен весник на РМ“, бр. 104/2015) е донесен со цел да се изврши транспонирање на новата Регулатива 305/2011 на Европската унија во областа на градежните производи во нашето законодавство. Регулатива 305/2011 ја замени Директивата на ЕУ 89/106 ЕЕС.
Со одредбите на Законот се уредуваат надзорот и контролата на градежниот производ на пазарот и при вградување на истиот во градежниот објект кој е во надлежност на надзорниот инженер на градилиштето.
Имплементацијата на Законот, се очекува да придонесе зголемена ефикасност на контролата на градежните производи и спречување на нелојалната конкуренција на пазарот.
Согледувајќи го овој факт, Комората на овластени архитекти и овластени инженери на Република Македонија го организира овој еднодневен семинар за стручни лица заинтересирани за подетално запознавање или надополнување на своите знаења во оваа многу значајна област.
Обучувач на семинарот ќе биде Д-р Соња Черепналковска, дипл. град. инж.
На семинарот ќе бидат присутни и претставници од овластените сертификациски тела и лаборатории за тестирање.
Информации за настанот:
Дата и час: 21 јуни 2017, во 13 часот (семинарот ќе заврши до 15 часот)
Место на настанот: Комора на овластени архитекти и овластени инженери
Број на слободни места: 80
Краен рок за пријавување: 20 јуни 2017 год. до 12 часот