На 17 октомври 2019 година, во Салата за конференции на Комората се одржа презентацијата Фасадно инженерство и еволуција кон напредни градежни обвивки.
Тема на презентацијата беше еволуцијата на фасадното инженерство во текот на изминатите 30 години во Европа.
Предавачот Philip WILLEMS од компанијата Willems Building & Engineering од Белгија ја образложи тезата дека фасадното инженерство се развива многу брзо и станува многу повеќе од чист структурен инженеринг, објасни дека сега се занимава и со термичкото однесување и ризикот од кондензација на градежната обвивка. Примената на софтвер за дизајн им дава на архитектите алатка со која можат да ги исполнат сите продукти на нивниот креативниот процес. Користењето на БИМ системите станува стандарден начин за градење на најсложените проекти, одржливиот дизајн стана тренд заедно со зелените ознаки, енергетските перформанси на зградите, технологијата на стаклени производи и другите материјали напредуваат, обвивки за напредни згради во паметни градови.
Презентацијата даде преглед на тоа како архитектите, градежните инженери и дизајнерските бироа треба да соработуваат, а градежните инженери треба да бидат во можност да се специјализираат и да се прилагодат на оваа брза движечка еволуција во рамките на фасадите.
На презентацијата присуствуваа шеесетина инженери, членови на Комората. По исцрпување на дискусијата која произлезе по завршување на презентацијата, организаторот приреди пригодна закуска за присутните.
Фотографии од настанот
