На 2 октомври 2023 година во просториите на Комората се одржa стручно предавање насловено: „Презентација на биоинженерски мерки“, во организација на канцеларијата на УНДП во Скопје. Презентацијата беше поддржана од Министерството за животна средина и просторно планирање и Швајцарската агенција за развој и соработка. На почетокот се обратија Потпретседателот на Комората Дејан Метикош и проектниот менаџер на УНДП – Љубица Теофиловска. Швајцарското искуство за глобалните случувања во Биоинженерските мерки и можниот пристап за спречување на ризиците од катастрофи и управувањето со водните ресурси го пренесе г-дин Маркус Цимерман, консултантот на УНДП. Тој нагласи дека решенијата (мерките) засновани на природата ја користат моќта на здравите екосистеми за заштита на луѓето преку оптимизирање на инфраструктурата и заштитата со стабилна и биолошка разновидност. 

Во продолжение д-р Стевко Стефаноски, раководител од Центарот со управување со кризи, елаборираше за причините на најголемите природни хазарди во Република Северна Македонија и за превземените и реализирани проекти за примена на екосистемски мерки за намалување на ризици од катастрофи (еко-ДРР). Терминот после паузата беше резервиран за проф. д-р. Иван Блинков од Факултетот за шумарски науки кој ја презентираше темата со наслов: „Концепција за уредување на поројни сливови со осврт на биоинженерски мерки“.

Во продолжение фотогалерија.