II СЕСИЈА: FIDIC 1999 vs FIDIC 2017- Често Поставувани Прашања

Почитувани колеги и регистрирани учесници,

Ве известуваме дека II-та Сесија од стручната обука на тема: „FIDIC 1999 vs FIDIC 2017- Често Поставувани Прашања“, ќе се одржи на 11 јуни 2026 година, со почеток во 9 часот.

Комората на овластени архитекти и овластени инженери (КОАИ), преку Одделението на градежни инженери, за активните членови на КОАИ овозможи стручна обука посветена на актуелни теми од областа на FIDIC услови на договори:

„FIDIC 1999 vs FIDIC 2017: Дополнувања и појаснувања претставени во новите изданија на Црвената и Жолтата книга и разлики во управувањето при различни изданија на договори“

Обуката е наменета за сите професионалци вклучени во реализација на градежни проекти.

Целта на овој прв серијал обуки е унапредување на професионалните вештини во градежниот сектор преку практично разбирање и совладување на процедурите пропишани во меѓународните стандардни форми на договори за градење на објекти.

Предавач: Влатко Михајлов, дипл. град. инж.

Место на одржување: 

• Со физичко присуство во просториите на Комората на овластени архитекти и овластени инженери (ограничен број на учесници – 80 места)
• Он-лајн, преку платформата Microsoft Teams (до сите регистрирани за он-лјан присуство ќе биде пратена порака ло линк за поврзување).

Програма на II СЕСИЈА: FIDIC 1999 vs FIDIC 2017- Често Поставувани Прашања

• Разлики во третман на непредвидени физички услови помеѓу Црвен и Жолт FIDIC
• Клизна скала
• Побарувања од страна на Инвеститорот
• Плаќања кај различни форми на FIDIC договори
• Право на пристап и посед на градилиште
• Разумни периоди и др.

Линк за регистрација -> ПРИЈАВА ЗА ОБУКА: FIDIC 1999 VS FIDIC 2017 – Fill out form

Поради одложувањето на првиот термин, сесиите се поместени соодветно според закажаните датуми, а за точниот датум на сесијата која ќе се одржи во септември ќе бидете дополнително и навремено известени преку вашата е-пошта и официјалната веб-страница на Комората.

Воедно, би сакале да го истакнеме следново:

• Обуките се наменети исклучиво за активните членови на Комората на овластени архитекти и овластени инженери.
• Сите пријавени лица кои не се членови на Комората или се во статус на неактивни членови, ќе добијат посебно дополнително известување во врска со нивниот статус и можноста за следење на обуката.