Примената на овие современи материјали е од суштинско значење за специфични климатски зони како што е Македонија, кое се карактеризираат со големи температурни амплитуди (ниски зимски и екстремно високи летни температури). Со имплементацијата на оваа технологија се постигнува драстично продолжување на векот на експлоатација и огромна заштеда на финансиски средства за инвеститорите.

На почетокот на семинарот, присутните имаа можност да слушнат воведни обраќања од проф. д-р Јосиф Јосифовски, декан на Градежниот факултет, М-р Дејан Метикош, претседател на КОАОИ, и проф. д-р Горан Мијоски, претседател на ДПМ. По нив, учесниците имаа прилика да се запознаат со конкретни примери и истражувања преку презентации на стручни лица од ADFORS Saint-Gobain, Институтот за патишта од Белград, како и Друштвото за патишта на Република Македонија.