- Посети: 192
Соопштение за полагање за стручен испит од областа на урбанистичкото планирање во октомвриска испитна сесија
Министерството за транспорт и врски во соработка со Комората на овластени архитекти и овластени инженери ве известува дека во четврток на 31.10.2024 година, со почеток во 10 часот, ќе се одржи стручен испит од областа на урбанистичкото планирање - октомвриска испитна сесија за стекнување на овластување за изработување на урбанистички планови. Доставата на апликации на кандидатите се врши најдоцна до 08.10.2024 година.
Испитните сесии за полагање на стручен испит од областа на урбанистичкото планирање се одржуваат по правило во последната недела од месеците февруари, јуни и октомври. (Соопштението на веб страната на Министерството за транспорт и врски).
Потпретседателот на Комората, Дејан Метикош присуствуваше на Свечена академија по повод 75 години Градежен факултет. Тој во своето обраќање пред присутните во име на сите членови на КОАИ го честиташе јубилејот – 75 години од основањето на Градежниот факултет во Скопје.
На покана на Хрватската Комора на инженери по електротехника, на 16-ти Денови на електроинженери кои се одржуваат од 3 до 5 октомври 2024 година во Бол на островот Брач во Хрватска, присуствуваат Претседателката на Комората М-р Кристинка Чулак, раководителот на одделението за електроинженери Владе Гроздановски и заменик Претседавачот на Собранието на Комората Мицко Чадиноски.
Од 26 септември 2024 година, во Хотел & Ресорт „Метропол“ во Охрид, ќе се одржи првиот Климатон. Езерото Охрид е извонреден природен феномен, кој обезбедува засолниште за бројни ендемски и реликтни слатководни видови на флора и фауна, датирани од терциерниот период. Климатонот има за цел да ја подигне свеста за проблемите со загадувањето на Охридското Езеро и да најде конкретни решенија за нивно надминување.
