Стратегијата се потпира на четири клучни подцели:
- Дигитализација на процесите за овластувања и членство:Целосно онлајн поднесување, следење и процесирање на барањата за нови овластувања, продолжувања, мирувања и реактивирања на статусите.
- Интранет и е-одлучување:Намалување на административниот товар на комисиите и Управниот одбор преку воведување дигитални платформи за соработка, гласање и е-одлучување.
- Современ DMS (Систем за управување со документи) и е-Архива:Комплетна дигитална следливост, трајно и безбедно архивирање на сите акти и соодветно управување со регистрите.
- Интеграции, паметни известувања и онлајн плаќања:Автоматизирано порамнување на уплатите, инстант генерирање потврди и автоматски известувања до членовите за нивните членарини и статуси.
Што значи ова за членовите на КОАИ?
Имплементацијата на оваа стратегија директно ќе го подобри корисничкото искуство на секој архитект и инженер. Наместо досегашните процеси водени преку е-пошта и физички хартии, членовите ќе добијат сопствен кориснички портал преку кој брзо, едноставно и од каде било ќе можат да ги менаџираат своите обврски и да ги добиваат потребните документи и овластувања.
Со овој чекор, КОАИ се позиционира како лидер во дигитализацијата на професионалните здруженија, подготвена да одговори на предизвиците на модерното време и потребите на своите членови.
Во наредниот период, Стручната служба на Комората ќе започне со фазна имплементација на предвидените иницијативи, за што членството ќе биде навремено и детално информирано.
Иднината на инженерството и архитектурата во Македонија е дигитална!
