Комората на овластени архитекти и овластени инженери, традиционално, од 2013 година, доделува 4 годишни награди во знак на благодарност и почит за творештвото на своите членови. Наградите се именувани по проф. Борис Чипан, диплимиран инженер архитект; проф. д-р Александар - Цане Ангелов, дипломиран градежен инженер; проф. д-р Илија Черепналковски, дипломиран машински инженер и проф. д-р Станимир Јовановски, дипломиран електро инженер.

Повеќе: Гoдишни награди на Комората за 2023 година

Во периодот од 2 – 3 Ноември 2023 година во Охрид се одржа Првата конференција за патна инфраструктура под наслов: „Искуства, Предизвици и перспективи“ во организација на Здружението за градежништво, градежни материјали и неметали при Стопанската комора, во присуство на највисокиот државен врв, заедно со претставници и експерти од научната фела, од државните институции и реномирани организации како што е Комората на архитекти и инженери на Република Северна Македонија. Официјални претставници на Комората на настанот беа претседателката на Комората м-р Кристинка Чулак, потпретседателот м-р Деjан Метикош и раководителката на одделението на градежни инженери проф.д-р Мери Цветковска.

Повеќе: Одржана Првата конференција за патна инфраструктура

Проф. д-р Љупчо Петковски, Градежен факултет во Скопје

Денес се појавуваат нови и неочекувани предизвици за големиот број постоечки брани во Европа и развој на нови хидро-проекти за поддршка на енергетската транзиција во светот. Во овој контекст, во периодот 5 до 8 септември 2023 година, во Interlaken, Switzerland (Интерлакен, Швајцарија), се одржа 12-тиот Симпозиум на Европскиот клуб на Меѓународната комисија за големи брани (EC-ICOLD). Сеопфатната тема на симпозиумот беше „Улогата на браните и акумулациите во успешна енергетска транзиција“.

Повеќе: 12-ти Симпозиум на Европскиот клуб на меѓународната комисија за големи брани

Во организација на Комората на овластени архитекти и овластени инженери на 27 и 28 Октомври 2023 година, во Скопје во просториите на Комората беше реализирана дводневна обука за практична примена на Ценовникот за висината на минималниот надоместок на услугите на овластените архитекти и овластените инженери во областa на високоградбата.
Првиот ден на 27 октомври 2023 година беше реализирана обука, презентација и дискусија за корисниците на инженерски услуги – колеги од јавниот и приватниот сектор, во улога на инвеститори и/или договорни органи, додека вториот ден, на 28 октомври 2023 година беше реализирана обука, презентација и дискусија за членовите на Комората – изработувачи/даватели на инженерските услуги. Во име на Комората на овластени архитекти и овластени инженери на присутните им се обрати Претседателката г-ѓа Кристинка Чулак која им посака добредојде на присутните гости, истакнувајќи дека ова претставува почеток на планираните обуки за предметниот Ценовник, а сѐ со цел да се добијат повратни информации за неговата практична примена, надградба или корекција согледана во краткиот период од неговата примена.

Повеќе: Реaлизирана дводневна Oбука за практична примена на Ценовникот за висината на минималниот...

77 Генерално собрание на Европскиот совет на градежни инженери се одржа од 5 до 7 октомври во Вилниус, Литванија. Нашата држава Република Северна Македонија во својство на делегат ја претставуваше проф.д-р Илиос Вилос дипломиран градежен инженер, кој е истовремено и заменик претседавач во Собранието на Комората. Во рамките на Собранието беше одржана и 14 интернационална конференција на тема: „Модерни материјали за градба структури и технологии”. За време на настанот Претседателот на ECCE г-дин Андреас Бранднер ја истакна важноста на доживотното учење за градежните инженери.

Повеќе: Одржано 77 Генерално собрание на Европскиот совет на градежни инженери (ECCE)