Комората на овластени архитекти и овластени инженери, традиционално од 2013 година, доделува четири годишни награди како израз на благодарност и почит за достигнувањата на своите членови. Наградите носат имиња по истакнатите стручњаци: проф. Борис Чипан, инженер архитект; проф. д-р Александар - Цане Ангелов, градежен инженер; проф. д-р Илија Черепналковски, машински инженер; и проф. д-р Станимир Јовановски, електро инженер.

Повеќе: Доделување на годишни награди од Комората

Комората ја пренесува информацијата од Европскиот совет на градежни инженери - ECCE (Europeаn Council of Civil Engineers), во врска со вебинарот кој ќе се одржи на 19 Ноември 2024 година со почеток во 16:00 часот на тема: „Виртуелен дизајн, нови технологии, безбедност и здравје при работа во градежната индустрија – искуства од дански проект“.

Повеќе: Вебинар на тема: „Виртуелен дизајн, нови технологии, безбедност и здравје при работа во градежната...

На 2 Ноември 2024 година (сабота) со почеток од 10:30 часот во хотел „Цар Самуил“ – Банско во Струмица, се одржа Регионална средба на архитекти и инженери. На собирот беа поканети сите заинтересирани архитекти и инженери, активни членови на Комората од Југо-Источниот регион и пошироко. Регионалната средба со колегите се организира со цел да се приближи Комората до широкото членство, а со тоа и да се отвори можност за дебата помеѓу членството и раководството на Комората на теми кои ги засегаат архитектите и инженерите. Заложбата на Комората да го рашири местото на своето делување низ целата наша Република се гледа и преку интегралното организирање на Редовното Собрание на Комората на кое делегатите од целата држава имаа можност да заседаваат за првпат надвор од седиштето на Комората т.е. во Банско - Струмица. Главната тема од Собранието – „дигитализацијата на процесите“ консекутивно беше елаборирана и усвоена од делегатите за да биде презентирана и дискутирана на одржаната Регионалната средба. На почетокот на средбата во свечената сала на хотелот „Цар Самоил“ формални поздравни обраќања имаа Претседателката на Комората - г-ѓа Кристинка Чулак, Заменик градоначалничката на општина Струмица г-ѓа Елена Маѓеровска Паликарова и Заменик Министерката на Министерството за транспорт – г-ѓа Калтрина Зеколи Шаќири, која ја отвори средбата.

Повеќе: Одржана Регионална средба на архитекти и инженери во југоисточен регион - Банско - Струмица

Со жалење ве информираме дека на 85 годишна возраст почина ценетиот колега и член на Комората архитект Александар Смилевски.

Повеќе: In Memoriam - архитект Александар Смилевски

Проф. д-р Мери Цветковска
     Техничката комора на Грција (TEE) беше домаќин на 79-то Генерално Собрание на ECCE (Европскиот совет на градежни инженери), кое се одржа во Атина, Грција, од 10-ти до 11-ти октомври 2024 година.
79 Генерално Собрание на ECCE ги собра професионалците во градежништвото од цела Европа за да разговараат за клучните предизвици, можностите и иднината на професијата. Согласно агендата на настанот, досегашниот Претседател на ЕССЕ, господинот Андреас Бранднер, поднесе извештај за работата на ЕССЕ за последните 6 месеци. Беа изнесени два предлога за нова методологија за пресметување на висината на членарината на земјите членки на ЕССЕ, по што следеше гласање, како за Методологијата, така и за предлог буџетот на ЕССЕ за следната година.

Повеќе: Извештај од учеството на 79 Генерално Собрание на ЕССЕ