Комората на архитекти и планери на Црна Гора и Инженерската комора на Црна Гора ги организираат четвртите Денови на архитектурата во Црна Гора со официјална тема: ПОВЕЌЕ ЗА ПОМАЛКУ, во периодот од 14 до 16 ноември во Музичкиот центар на Црна Гора во Подгорица.

Коорганизатори и партнери на настанот се: Архитектонскиот факултет во Подгорица, Сојузот на архитекти на Црна Гора, главниот град Подгорица и ИТА - Италијанската агенција за надворешна трговија.

„ MORE FOR LESS “ го поставува прашањето како архитектурата можеда генерира квалитет - просторен, материјален, културен и социјален - преку промислено и рационално користење на ресурсите. Во современиот контекст на климатските предизвици и ограничените просторни капацитети, овој концепт ги преиспитува шемите на архитектурата засновани на спектакл и монументално претставување.

Повеќе: IV Денови на архитектурата во Црна Гора

На 3 септември 2025 година (среда) со почеток во 11:00 часот на платото пред црквата „Свети Климент и Пантелејмон“ – Плаошник во Охрид се одржа доделувањето на високото признанието „Инженерски прстен“ за 2025 година.
Признанието се доделува на најдобрите дипломирани студенти во 2025 година од инженерските факултите во нашата држава. Манифестацијата оваа година се одбележува по 22 пат и традиционално се одржува под покровителство на Претседателот на државата РСМ, а во организација на Комората на овластени архитекти и овластени инженери и на Инженерската институција на Македонија.
Претседателката на Комората Кристинка Чулак, честитајќи им на добитниците на овогодинешниот Инженерски Прстен, во своето обраќање истакна: „Инженерството е уметност на практичното чудо“ рекол Леонардо Да Винчи. Вашата задача е токму тоа – да создавате чуда кои ќе им служат на луѓето и ќе ја унапредуваат нашата заедница. Вие денес стоите на темелите поставени од вашите професори и од сите генерации инженери пред вас.

Повеќе: Свечено доделување на Инженерски прстен 2025 година

Почитувани членови на КОАИ,

Ве потсетуваме дека согласно ажурираниот Термин-план за спроведување на Изборите 2025-2029 во Комората, Централната Изборна Комисија Рокот за номинација на членовите на КОАИ за кандидати за:

• Претседател,
• Заменик-претседател,
• Раководители на одделенија и
• Заменици раководители на одделенија.

е 1 септември 2025 година:
- до 16:00 часот – во хартиена форма во архивата на Комората и
- до 24:00 часот – по електронска пошта на Оваа е-адреса е заштитена од спамботови. Треба да ви е овозможено JavaScript за да ја видите.

Одделенските одлуки за кандидатурите треба да се донесат најдоцна до 15 септември 2025 година и да се проследат од страна на одделенијата до Централната Изборна Комисија најдоцна до 19 септември 2025 година.

Со почит,

Централна изборна комисија
Председател,
Д-р Анастасија Трајковска

Повеќе: Потсетување и рокови за повици за Избори 2025-2029

Почитувани членови на КОАИ,

Ве потсетуваме дека согласно ажурираниот Термин-план за спроведување на Изборите 2025-2029 во Комората, Централната Изборна Комисија објави:

• Повик за кандидирање Претседател и Потпретседател на Комората - Рок за достава на кандидатури е 1.9.2025 година* и
• Повик за кандидирање Раководител и заменик Раководител на професионални одделенија (преземи Формулар за раководител 1 - Преземи Формулар за раководител 2 - мали одделенија) - Рок за достава на кандидатури е 1.9.2025 година*.

*Се известуваат членовите дека рокот за достава на кандидатури со емаил порака пратена на Оваа е-адреса е заштитена од спамботови. Треба да ви е овозможено JavaScript за да ја видите. се прифатливи до 1.9.2025 година до 24:00 часот, додека достава во хартиена форма во архивата на Комората се прифаќаат до крајот на работниот ден, односно до 1.9.2025 година до 16:00 часот.

Со почит,

Централна изборна комисија
Председател,
Д-р Анастасија Трајковска

Повеќе: Потсетување за известување за објавени повици за Избори 2025-2029

Фондацијата „Миленија и Дарко Марушиќ“ објавува конкурс за регионалната награда за архитектура на домувањето, која се доделува за најуспешно реализирано архитектонско дело во претходната или тековната година. Наградата е наменета за архитекти – поединци или тимови од просторот на поранешна Југославија: Србија, Хрватска, Словенија, Македонија, Црна Гора и Босна и Херцеговина.

Повеќе: Конкурс за регионалната награда „Миленија и Дарко Марушиќ“