Со големо задоволство Ве покануваме да присуствувате на стручното предавање – комерцијална презентација на MAPSOFT DOO Belgrade, водечкиот регионален експерт во областа на иновативни технологии за прибирање на 3Д просторни податоци. Ова предавање е наменето за геодетски и градежни инженери, урбанисти, како и за сите инженери заинтересирани за современите геопросторни решенија.
Тема на предавањето:
„MapSoft: Иновативни технологии за прибирање на 3Д просторни податоци, потребни при изработка на инфраструктурни проекти и дигитални близнаци“
Предавачи и поднаслови:
Современи технологии и методи на прибирање просторни податоци
Момир Митровиќ, дипл. геод. инж.
- Методологија за собирање просторни податоци и проектен пристап;
- Видови сензори;
- Основни геопросторни производи (ортофото, облак со точки, DTM/DSM, 3D мрежа, 3D модели на градови, векторски геопросторни бази на податоци);
- Сензори и платформи на MapSoft.
Примери на проекти за собирање просторни податоци
Игор Недељковиќ, дипл. геод. инж.
Краток преглед на основните информации за спроведените проекти за собирање просторни податоци со фокус на техниките, коишто се применуваат и предизвиците при реализација на проекти од областа на инфраструктурни проекти, просторно планирање и урбанизам, енергетика, хидрологија, рударство, археологија, шумарство и животна средина.
Иновативни геопросторни софтверски решенија за управување со ресурси
Д-р Жељко Цвијетиновиќ, дипл. инж. геод.
Краток преглед на основни информации за имплементирани проекти за развој на геопросторни софтверски решенија на претпријатија, локални самоуправи и на национално ниво, со фокус на применетите софтверски платформи и постигнатите резултати.
Дополнително, би се обезбедил преглед на платформата SuperMap за развој на иновативни геопросторни решенија, базирани на 3D GIS, геопросторна вештачка интелигенција и Big Data пристапи за управување со податоци за потребите на модерната имплементација на концепти и технологии како што се: Digital Twin, Smart City и City Information Modeling (CIM).
Агенда:
11:00 - 11:30 – Регистрација
11:30 - 11:45 – Отворање на предавањето и поздравни обраќања
11:45 - 12:45 – Прв дел на предавањето + дискусија
12:45 - 13:15 – Кафе пауза
13:15 - 14:00 – Втор дел на предавањето + дискусија
Ве очекуваме да бидете дел од овој значаен настан и да се запознаете со најновите технолошки решенија во геопросторните науки!
