Во рамките на активностите на Комората на овластени архитекти и овластени инженери, заедно со Smart Solutions, авторизиран партнер на Autodesk во Македонија, почестени сме да ве поканиме да ни се придружите на бесплатна Autodesk работилница, седмиот настан оваа година во живо од низата BIM активности планирани за оваа година.
Оваа практична работилница, која што ќе ја води Илија Лошонц, основач и BIM менаџер на BIMCAD Studio, ќе им покаже на учесниците како да користат Design Options во Revit за да развијат и презентираат повеќе архитектонски решенија без да креираат посебни модели. Ќе научат како да подготват алтернативи, да ги споредат и визуелизираат, и да ги презентираат пред клиентите како професионални варијанти за избор.

Важна напомена: Препорачано е учесниците на работилницата да дојдат со свои лаптоп компјутери, за да бидат во можност паралелно да работат на вежбите заедно со предавачот.

Агенда на работилницата:

09:30-10:00 - Регистрација и кафе за добредојде
10:00-10:05 - Добредојде од претставници на КОАОИ и Smart Solutions
10:05-10:40   Модул 1: Вовед во Revit (35 мин.)
                      •    Што е Design Options и зошто се користат
                      •    Подготовка на проект
                      Пауза 5 мин.                     
10:45-11:45  Модул 2: Креирање Design Options (1 час)
                      •    Design Sets и Options
                      •    Изработка на основен модел
                      •    Додавање на алтернативни решенија 
                      Пауза 20 мин.                     
12:05-12:50   Модул 3: Подготовка (45 мин.)
                       •    Подготовка на планови.
                       Пауза 5 мин.                       
12:55-13:25   Модул 4: Финализација (30 мин.)
                       •    Креирање на листови со повеќе варијанти
                       •    Презентација
                       •    Експортирање на цртежи во PDF/DWG
13:25-13:40   Прашања и дискусија


Предавач: Илија Лошонц
Основач и BIM менаџер на BIMCAD Studio, со повеќе од 9 години работно искуство во областа на дигиталното моделирање и координација. Пред основањето на BIMCAD, работел како BIM менаџер на големи проекти во Австралија и Велика Британија, со фокус на организација и следење на процесите за изработка на BIM модели во различни фази на проектите, како и имплементација на BIM стратегии. Последниве 6 години е гостински предавач на Каледониан Универзитетот во Глазгов, Шкотска, каде предава предмети поврзани со дигитални вештини како Revit, AutoCAD, Civil3D и Infraworks.
 

Предавањето ќе се одржи на македонски јазик.