Во среда на 26.3.2025 година, во просториите на Комората се одржа презентација на компанијата Neshvyl од Србија. Поглавјата кои беа обработени се следните:
Системи за хидроизолациона заштита на мостовски конструкции со примена на хидроизолациони системи на база на MMA – прскана хидроизолација „Eliminator“:
Преглед на проекти: мостовите „Михајло Апостолски“ (бул. АСНОМ) и „Мост Љубљанска“ во Скопје.
Коловозна површина на мостот – систем на хидроизолација „Eliminator“.
Пешачки и велосипедски патеки на мостот – противлизгачки премаз „Safetrack SC“.

Повеќе: Одржана презентација на компанијата Neshvyl од Србија

Согласно Одлуката на Собранието за распишување на избори во Комората за мандатниот период 2025-2029 бр.02-126/7 од 22.2.2025 година, како и Одлуката за број на претставници по одделенија и региони во Собранието на Комората за мандатен период 2025-2029, бр.02-209/4 донесена на 7.3.2025 година и Термин планот за спроведување на изборите предложен од Централната изборна Комисија и прифатен од Управниот Одбор, на 24.3.2025 година, се објавени прелиминарните листи на прифатени и одбиени номинации.

Повеќе: Објава на прелиминарна листа на прифатени и одбиени номинации за кандидати за делегати во...

Поради страотниот пожар во Кочани во која животот го загубија 59 млади луѓе и повеќе од 180 се повредени Комората на овластени архитекти и овластени инженери ги одложи сите настани вклучувајќи ја и Регионалната средба на архитекти и инженери во Охрид која беше најавена за 22 Март 2025 (сабота).

Комората на овластени архитекти и овластени инженери на Македонија со неверување ја прими тажната вест за трагичната загуба на огромниот број на човечките животи во пожарот во Кочани.
Изразуваме длабоко сочувство до семејствата на починатите. Нека имаат сила да ја издржат неизмерната болка, а на повредените им посакува брзо закрепнување.Овој потресен настан ќе остави неизбришлива трага во нашите срца. Во ова тешко време, изразуваме солидарност и ја нудиме нашата поддршка. Како професионална организација, остануваме посветени на обезбедување на придонес во процесот на закрепнување од оваа страшна трагедија. Веруваме дека само преку единство, сочувство и целосна подршка, можеме да почнеме да се обновуваме и да заздравуваме од оваа недонаместлива загуба, со надеж никогаш да не се повтори.

Во насока на појаснување на изборниот процес, дополнување со документи и исправка на воочени технички грешки во Упатството од страна на ЦИК, а во корелација со Претседавачот на Собранието, повторно ви го проследуваме повикот за номинација на кандидати за делегати во Собранието на Комората.

Повеќе: Повик за номинација на кандидати за делегати во Собранието на КОАИ за мандатен период 2025-2029