Во рамки на проектот „Јакнење на општинските капацитети за имплементација на проекти“ (BMCPI) – Фаза 2, кој го спроведува Програмата за развој на Обединетите нации (УНДП), во партнерство со Министерството за локална самоуправа, Бирото за регионален развој (БРР), Заедницата на единици на локална самоуправа (ЗЕЛС), општините, како и Центрите за развој на планските региони, на 3 и 4 април 2024 година во Маврово, се одржа дводневна обука на тема „Антикорупција во урбанистичкото планирање и развој на инфраструктурата на локално ниво“.
Целта на оваа обука беше зголемување на капацитетите на граѓанските организации во примената на антикорупциските политики во сферата на урбанистичкото планирање и спроведувањето на инфраструктурните проекти, како и ефективното следење на соодветните процеси на локално ниво.

Повеќе: Одржана обука „Антикорупција во урбанистичкото планирање и развој на инфраструктурата на локално...

Комората ја пренесува поканата за првиот Научен семинар за архитектурата и виното во организација на Универзитет „Св. Кирил и Методиј“ Архитектонски факултет - Скопје и Земјоделски институт - Скопје.
Семинарот ќе се одржи на Архитектонски факултет - Скопје при УКИМ во Скопје во петок 19.04.2024 година со почеток во 9:00 часот.
Учеството на семинарот е бесплатно, но е потребна е регистрација на следниот линк.

Прилог Програма.

На 12 Април 2024 година (петок), пред преполна сала на Комората на овластени архитекти и овластени инженери (КОАИ) се одржа Презентација на Нацрт правилник за мерките за заштита од пожари, експлозии и опасни материи. Правилникот е изработен од страна на Комората со поддршка од Дирекцијата за заштита и спасување (ДЗС) како предлог подзаконски акт.
Препознавајќи ја потребата и предизвиците со кои се соочуваат членовите на КОАИ, во текот на 2022 и 2023 година Комората проактивно работеше на изработка на Нацрт правилник за мерките за заштита од пожари, експлозии и опасни материи. Тимот кој работеше на него се состоеше од претставници од сите одделенија на Комората, за да може секој во својата област да даде соодветен придонес. 

Повеќе: Одржана презентација на НАЦРТ Правилник за мерките за заштита од пожари, експлозии и опасни...

На 21 Март (четврток) 2024 година со почеток во 18:00 часот во „АудиоКултура“ во организација на BIG SEE се одржа дебата на тема „Трансформација на модернистичко архитектонско наследство“
BIG SEE претставува платформа чија главна цел е да ги забележи, разбуди и меѓусебно поврзе креативните и економските потенцијали на регионот на Југоисточна Европа, регион кој опфаќа 21 држава меѓу кои спаѓа и Македонија, за да се соочи со глобалните предизвици.
Модератор на дебатата беше Ана Бојаџиевска, BIG SEE координатор во Македонија, а воедно и студент по архитектура. Учесници на оваа дискусија беа проф. д-р Ана Ивановска Дескова, архитект и професор, Филип Јовановски, архитект и визуелен уметник, Мила Гавриловска, фотограф и студент по архитектура и Ирина Тошева, модна дизајнерка.
На дебатата присуствуваа и членови на Комората од одделението Архитектура, заедно со Раководителот г-ѓа Веселинка Герасимова Петровска.
Во продолжение абстракт од настанот:

Повеќе: Одржана дебата „Трансформација на модернистичко архитектонско наследство“

Како продолжение на активноста за одржување на обуки за примена на Еврокодовите, во продолжение можете да го проследите повикот со предлог распоред за одржување на обуки за три модули, односно за проектирање на бетонски конструкции во високоградбата, челични конструкции во високоградбата и геотехнички конструкции и можете да се пријавите за посета во некој од посочените термини распоредени по градови.

Рокот за искажување интерес е 10.04.2024 година. Врз база на бројот на пријавени кандидати ќе се формираат групите и ќе се прецизираат термините. Истите ќе бидат објавени на 11.04.2024 година, а потоа пријавените кандидати ќе треба да извршат уплата.

Повеќе: Повик за пријавување за обуки за примена на Еврокодови 2024