На 06 јуни 2017 година на свеченост одржана во манастирскиот комплекс „Свети Наум“, претседателот на Република Македонија, д-р Ѓорѓе Иванов ги врачи инженерските прстени на десетте најдобро дипломирани инженери од десет факултети на петте најдобро рангирани универзитети во Република Македонија. Прстените ги доделуваат Инженерската институција на Македонија и Комората на овластени архитекти и овластени инженери на Република Македонија според посебен правилник за Инженерски прстен.

Повеќе: Доделени “Инженерските прстени“ на десетте најдобри дипломци за 2017 година

Предавањето на тема:  “Заштита при работа и заштита на животна средина при изградба на тунели”, се одржа на 31 Мај 2017 год., во салата за конференции при Комората на ОАИ на РМ со почеток од 12,15 часот.  На предавањето присуствуваа  36 инженери од  58 електронски пријавени и околу 12 инженери кои дојдоа на предавањето со желба да присуствуваат бидејќи немале можност и тие да се пријават или поради проблем при регистрација.  Предавањето се одржа по планираниот протокол  со кафе пауза на крајот од предавањето. Задоволството на инженерите беше видливо, бидејќи ваквите предавања овозможуваат и меѓусебно дружење и соработка на професионален план.

Предавањето го отвори Претседателот на Одделението од ППЗ и ЗПР, проф. Ванчо Донев  со воведен дел и претставување на предавачите и темите на ова предавање.

На 20 мај 2017 година во Љубљана се одржа состанок на Инженерската иницијатива за регионална соработка каде делегација од Комората на овластени архитекти и овластени инженери присуствуваше на редовниот состанок во состав Проф. д-р Миле Димитровски, Проф. д-р Миле Станковски, Реџеп Асани, дипл.инж.арх и Д-р Гајур Кадриу.

Покрај редовниот состанок се одржа средба со Комората на архитекти со која се одлучи да се зголеми интезитетот на заедничката соработка.

Повеќе: Во Љубљана, одржан состанок на ИИРС - Инженерската иницијатива за регионална соработка

Предавањето на тема:  “Автоматизација на деловни и станбени згради” ,се одржа на 23 Мај 2017 год. во салата за конференции при Комората на ОАИ на РМ со почеток од 11 : 15 часот.  На предавањето присуствуваа 49 електро инженери од  85 електронски пријавени и околу 15 инженери кои дојдоа на предавањето со желба да присуствуваат бидејќи немале можност и тие да се пријават поради пополнетиот број на пријавени.   Предавањето се одржа по планираниот протокол  со кафе пауза меѓу предавањето . Задоволството на инженерите беше видливо, бидејќи ваквите предавања овозможуваат и меѓусебно дружење и соработка на професионален план.

Предавањето го отвори Претседателот на Одделението од електртехника ,Г-н. Владко Тодоровски со воведен дел и претставување на предавачите и темите на ова предавање.

Повеќе: Одржано предавањето за Автоматизација на деловни и станбени згради

На 19 мај 2017 година на факултетот за применети науки при Универзитетот во Тетово се одржа 3-тата Меѓународна конференција за применети науки на која присуствуваше претседателот на Комората со свое повикано предавање.