Во склоп на македонската недела на инженерството на 18 октомври 2017,  Комората заедно со LATTANZIO Advisory го организираа настанот „Признавањето на инженерските професионални квалификации во Европската Унија и меѓународниот аспект на инженерската дејност, согласно Европската директива за професионални квалификации“, кој се одржа во хотел Мериот.

Предавачи на настанот беа еминентни домашни и меѓународни предавачи за семинарот – меѓудругите - Генералниот секретар на Европската федерација на инженерски асоцијации (FEANI) Dirk Bochar од Брисел; Потпретседателот на Европската Асоцијација на инженерски Комори (ECEC) Hansјорg Letzner од Италија; Претседателот на Бугарската Комора на архитекти Борислав Игнатов; Рената Гомбоц, претставник од Словенечката инженерска комора.

Повеќе: Признавањето на инженерските професионални квалификации во Европската Унија

Во Пула, Хрватска во периодот од 4-8 октомври 2017 се одржаа по 10-ти пат Денови на овластените електро инженери на Хрватска (ХКИЕ). 

Работниот дел на симпозиумот на 10-тите денови на Комората на овластени електроинженери на Хрватска се одвиваше со предавања на теми според распоредот и на двете сесии на таканаречените округли маси.Покрај излагањата во склоп на работата симпозиумот беше одрзана седница на меѓународниот одбор на Коморите на овластените електроинженери од Хрватска, Словенија, Црна Гора и Македонија.

Повеќе: Во Пула, Хрватска се одржаа по 10-ти пат Денови на овластените електро инженери на Хрватска (ХКИЕ)

Во организација на Здружението Македонски комитет за големи брани (ЗМКГБ), во Струга, во периодот од 28 до 30 септември 2017 година, се одржа четвртиот конгрес за брани. За конгресот беа доставени 46 реферати, од кои 41 беа прифатени од Редакцискиот одбор да бидат отпечатени во Зборникот, а 34 беа избрани за говорна презентација на седум пленарни сесии. Меѓународниот редакциски одбор беше составен од еминентни професори во областа на хидротехниката, од Македонија, Словачка, Австрија, Романија, Словенија, Србија, Грција и Бугарија. Рефератите беа на македонски јазик (27) и на англиски јазик (14), а беа подготвени од автори од Македонија (28), Србија (6), Германија (1), Швајцарија (1), Словенија (1), Бугарија (1), Црна Гора (1), Хрватска (1) и од Косово (1).

Повеќе: Во периодот од 28 до 30 септември 2017 година во Струга, се одржа четвртиот конгрес за брани

Во периодот од 4-7.10.2017 год. во Охрид се одржа 17. Меѓународен Симпозиум на Друштвото на градежни конструктори на Македонија. Симпозиумот го поздрави и го отвори Министерот за транспорт и врски, г-дин Горан Сугарески.

Симпозиумот беше посветен на тема која одсекогаш била предизвик за градежните конструктори, а тоа е влијанието на природните катастрофи врз конструкциите. Природните катастрофи, како: земјотреси, цунами, лизгање на земјиште, поплави, суши, вулкански ерупции и сл. се предизвикани од природни сили.

Повеќе: Охрид беше домаќин на 17. Меѓународен Симпозиум на Друштвото на градежни конструктори на Македонија

Во Виена на 05.10.2017 се одржа Третиот инженерски ден организиран од ECEC, FEANI иECEC со тема перспективите на инженерската струка. На соборот свои излагања имаа преседателите  на трите организации,  а се одржа и тркалезна маса со дискусија  на која учествуваше и преседателот на КОАИ, проф. д-р Миле Димитровски.  Дел од заклучоците од настанот  и фотографии можат да се најдат на сајтот на ЕЦЕЦ, ФЕАНИ и ЕЦЦЕ. Покрај учеството на трибината направени беа и финални разговори со  претседателот на ЕЦЕЦ,  м-р Чртомир Ремец за последни подготовки  на агендата за 14 Генералното собрание на Европскиот Совет на Инженерски Комори кое ќе се одржи во Скопје на 20 и 21 Октомври 2017 година.

Повеќе: Потпишан меморандум за соработка помеѓу ÖАIV и КОАИ