На 07.03.2024 година (четврток) со почеток во 11 часот, во просториите на Комората овластени архитекти и овластени инженери се одржа стручно предавање наменето за сите Геодетски инженери, Архитекти и Урбанисти.
На почетокот пред присутната публика се обрати Претседателката на Комората г-ѓа Кристинка Чулак која истакна дека предавањето е резултат на потпишаниот меморандум за соработка помеѓу помеѓу Комората ОАИ и Комората на трговски друштва за геодетски работи и во продолжение заедно со Претседателот на Комората на ТДГР г-дин Никола Рибаровски во нивните говори ја истакнаа важноста од организирањето на вакви настани со кои се овозможува континуираната едукација на архитектите и инженерите и истовремено се јакне меѓународната соработка.
По воведните обраќања, Д-р Младен Шошкиќ, вонреден професор на Градежниот факулет во Белград, одржа предавање на тема „Можна примена на урбаната комасација како инструмент за уредување на населбите во Југоисточна Европа“.

Повеќе: Одржано стручно предавање „Mожна примена на урбаната комасација (land readjustment)“

По успешното завршување на четирите претходни циклуса кои се спроведоа во текот на 2022/2023 година и во кои беа опфатени повеќе од 80 членови и оваа година како Комора ја продолжуваме соработката со Семос Едукација во насока на подобрување на конкурентноста на пазарот на трудот за примена и имплементација на BIM технологија при изработка на секојдневните проектни решенија. Искрено се надеваме дека ова позитивно влијае на подобрување на капацитетите на нашите компании во насока за полесна и побрза имплементација на овие решенија.

Повеќе: Петти циклус ОБУКИ ЗА БИМ со попуст за активни членови на Комората

 На 2 март 2024 година во салата на Советот на Општина Гостивар се одржа Регионалната средба во Западниот регион на која беа поканети поканети сите активни членови, но најголемиот број од присутните беа од регионот кој гравитира околу Гостивар. Средбата беше дел од планираните активности на Комората со цел приближување до членството преку обука за Тарифникот за Урбанистичко планирање и Ценовникот за висината на минималиот надомест на инженерски услуги на овластените архитекти и овластените инженери од областа на високоградбата.

Повеќе: Информација од одржана Регионална средба на архитекти и инженери во западен регион

Комората на овластени архитекти и овластени инженери во соработка со Семос Едукација во Март и Април 2024 година организира обука за AutoCAD MAP.

Повеќе: Пријава за обука AutoCAD MAP

Комората на овластени архитекти и овластени инженери подготвува Регионална средба на архитекти и инженери која ќе се одржи во Гостивар на 02.03.2024 година (сабота). Агенда и регистрација

Во рамките на Регионалната средба ќе бидат спроведени обуки за Ценовникот за инженерски услуги за високоградба и Тарифникот за урбанистичко планирање. Покрај тоа, ќе биде отворена дискусија за предизвиците во професијата на централно и регионално ниво. Регионалната средба со колегите архитекти и инженери од западниот регион се организира со цел да се приближи КОАИ до широкото членство, а со тоа и да се отвори можност за дебата помеѓу членството и раководството на Комората на теми кои ги засегаат архитектите и инженерите.