На 2 април 2017 година, претседателот на Комората, проф. д-р Миле Димитровски и претходниот претседател м-р Блашко Димитров, по покана на КИИП присуствуваа на Генералното Собрание на бугарската Комора на инженери за инвестициско проектирање. На Собранието на КИИП беа присутни околу 400 делегати, а претседателот Димитровски имаше свое кратко излагање за заедничките активности спроведени согласно потпишаниот Меморандум за соработка.

Во делот на посетата договорена е заедничка средба на крајот на месец април, помеѓу претстваници на нашата Комора и КАБ (Комората на архитекти на Бугарија) за можна заедничка соработка.

Инженерите од оваа листа (вкупно 376 на број) се внесени во системот на Комората, но никогаш не платиле членарина. Согласно член 39(4) од Законот за градење, Комората е императивно обврзана да го одземе овластувањето на овие лица поради неплатена членарина, и да процесира престанок на членство во Комората. Во тој контекст, доколку лицето кое е дел од оваа група не го активира своето членство во рок од 30 дена од денот на оваа објава (4 април 2017), Комората ќе го процесира престанокот на членство во Комората.  Заради заштита на личните податоци, објавената листа е само со бројот на овластување, без останати лични детали.

• Листа [PDF]

Со почит,

Управниот одбор на Комората

Здружението за брани (ЗМКГБ) организира стручна посета на брани и придружни објекти во Австрија во периодот 28.5 - 3.6.2017 година. Во прилог подолу можете да ги преземете деталните информации за уплата на аванс, прифатената понуда од агенцијата Савана и техничките податоци на објектите што ќе бидат посетени.

Повеќе: Стручна посета на брани и хидроцентраци во Австрија

На 22 март 2017 година, Комората на овластени архитекти и овластени инженери на Македонија и Агенцијата за поддршка на претприемништвото на Република Македонија потпишаа Меморандум за заедничка соработка.

Меморандумот на соработка помеѓу двете институции ќе се реализира преку:

- организација на заеднички едукативни настани поврзани со инженерското и градежното претприемништво  

Повеќе: Потпишан меморандум за соработка помеѓу Комората и Агенцијата за поддршка на претприемништвото на...

На 22 март 2017 година, Комората на овластени архитекти и овластени инженери на РМ и Заедницата на единиците на локална самоуправа (ЗЕЛС) потпишаа меморандум за заедничка соработка во рамките на својата примарна дејност. Соработката е насочена во континирана соработка меѓу стручните лица од Комората и ЗЕЛС за подобрувања на административните процеси во општините и градот Скопје кои ги тангираат инженерите и градежните фирми, потоа организација на заеднички едукативни настани, заедничко учество на проекти и размена на искуства и најдобри практики.