Во рамките Регионалната средба на архитекти и инженери - Прилеп, организирана на 11 мaj (сабота)  2024 година, во просториите на општинската сала во Прилеп, беше презентиран  Нацрт – Правилникот за мерките за заштита од пожар и експлозии (ЗПОМИЕ) како повторување  на настанот од  12 април 2024 година, кој беше одржан во сала на Комората на овластени архитекти и овластени инженери (КОАИ) во Скопје. Како резултат на големиот интерес и големиот број на иницијативи кои стигнаа до Комората по настанот одржан на 12 април за негово повторување во останатите градови во државата, истиот се повтори на 11 мај во Прилеп пред 60 колеги кои активно работат во областа на пожарите.

Повеќе: Регионална средба на архитекти и инженери во Прилеп

Комората на овластени архитекти и овластени инженери на Северна Македонија, како институционален партнер на форумот SHARE го пренесе повикот за аплицирање за „SHARE Architecture Awards“. Истовремено Ве информира дека датумот за пријавување е пролонгиран до петок 31 Мај 2024 година.

Повеќе: Пролонгиран рок за аплицирање за „SHARE Architecture Awards“

BIG SEE претставува платформа, која ги препознава достигнувањата и потенцијалот на повеќе сфери, од архитектура и дизајн до уметност, култура и стил на живеење, спорт, наука, образование и политика, бизнис, патување и храна.

Повеќе: Пет македонски проекти се наградени на BIGSEE 2024

Комората ги пренесува последните известувања од Европската Комисија.
• Европскиот натпревар за социјални иновации (EUSIC) доделува три награди за најдобри социјално-иновативни проекти за поинклузивна, праведна и одржлива Европа. Натпреварот е започнат во 2013 година во спомен на пионерот за социјални иновации Диого Васконселос.
• Проектот NEB University and NEB Youth Movement е замислен како едукативна мрежа за едукација на сите граѓани да станат нематеријални градители на општеството и заедницата и да станат нематеријални и материјални креаторина промени преку интердисциплинарност, критичко размислување и зголемени придонеси од сите општествени и хуманистички науки, преку нов светоглед и преку зајакнат граѓански и/или уметнички активизам/креација.

Повеќе: Известувања од Европската Комисија

Комората како членка на ИКОМОС ја пренесува информацијата за организирањето на серија вебинари за процесите поврзани со надлежностите за Светското наследство на кои можат да присуствуваат сите членови на Европската група на ИКОМОС.
Вебинарите на кои ќе презентираат надлежните од Одделите за светско наследство на ИКОМОС, ќе се одржуваат на следниве датуми:
21 мај - Тема: Процес на евалуација
28 мај - Тема: Прелиминарна оцена
4 јуни - Тема: Состојба на зачуваност
Сите вебинари ќе се одржуваат 14:00 до 15:30 часот.
Ве покануваме доколку сте заинтересирани да се пријавите на следниов линк.

Линкот до избраниот вебинар ќе го добиете по е-мејл еден ден пред неговото одржување.