Со особено задоволство ве покануваме на Националната конференција „Еврокодови 2.0“, која ќе го означи официјалниот почеток на националниот процес за имплементација на втората генерација на Еврокодовите во Република Македонија.

Термин: Петок, 25.09.2026 година

Локација: Стопанска комора на Македонија, Скопје

Овој настан од стратешко значење е заедничка иницијатива на Градежен факултет – Скопје, Институтот за стандардизација, Комората на овластени архитекти и овластени инженери и Стопанската комора на Македонија, а се одржува под покровителство на Министерството за транспорт.

На конференцијата ќе биде презентиран деталниот Патоказ 2027–2030 за транзиција кон новите европски стандарди, кои се клучни за заштита од климатски промени и природни ризици.

Централен настан ќе биде свеченото усвојување и потпишување на „Декларацијата за имплементација на втората генерација на Еврокодовите“.

Имплементацијата на Еврокодовите е инвестиција во побезбедни конструкции, поотпорна инфраструктура и конкурентна инженерска професија.

Ве очекуваме!